|| शास्ता अष्टकम् ||

 शास्ता अष्टकम् 
-----------------------------

हरिवरासनं विश्वंमोहनं
हरितदीश्वराऽऽराध्यपादुकम् ।
अरिविमर्द्दनं नित्यनर्तनं
हरिहरात्मजं देवमाश्राये॥ १ ॥

चरणकीर्तनं शक्तमानसं
भरणलोलुपं नर्तनालयम् ।
अरुणभासुरं भूतनायकं
हरिहरात्मजं  देवमाश्राये  ॥ २ ॥

प्रणय सत्यका प्राणनायकं
प्रणतकल्पकं सुप्रभाञ्चितं ।
प्रणवमन्दिरं कीर्तनप्रियं
हरिहरात्मजं  देवमाश्राये ॥ ३ ॥

तुरगवाहनं सुन्दराननं
वरगदायुधं देववर्णितम् ।
गुरुकृपाकरं कीर्तनप्रियं
हरिहरात्मजं  देवमाश्राये ॥ ४ ॥

त्रिभुवनार्चितं देवतात्मकं
त्रिनयनप्रभुं दिव्यदेशिकम् ।
त्रिदशपूजितं चिन्तितप्रदं
हरिहरात्मजं  देवमाश्राये  ॥ ५ ॥

भवभयापहं भावुकावहं
भुवनमोहनं भूतिभूषणम् ।
धवलवाहनं दिव्यवारणं
हरिहरात्मजं  देवमाश्राये  ॥ ६ ॥

कलमृदुस्मितं सुन्दराननं
कलभकोमलं गात्रमोहनम् ।
कलभकेसरीवाजिवाहनं
हरिहरात्मजं  देवमाश्राये  ॥ ७ ॥

श्रितजनप्रियं चिन्तितप्रदं
श्रुतिविभूषणं साधुजीवनम् ।
श्रुतिमनोहरं गीतलालसं
हरिहरात्मजं  देवमाश्राये  ॥ ८ ॥
    –जय श्रीमन्नारायण।
______________________

पं मंगलेश्वर त्रिपाठी
से.1वाशी नवी मुम्बई
  8828347830